Mike Beirne
សម្រង់អត្ថបទពីវាគ្មិននៃកិច្ចប្រជុំប្រចាំឆ្នាំ 2022 MDRT អំពីការស្វែងរកអ្នកជះឥទ្ធិពល, ការទទួលការណែនាំឲ្យកាន់តែច្រើន, បច្ចេកទេសប្រាស្រ័យទាក់ទង, ការប្រើឧបករណ៍ម៉ាឃិធីងដូចជាសិក្ខាសាលា បណ្ដាញសង្គម និងពិភពពិតលក្ខណៈនិម្មិត, ការធ្វើមគ្គុទ្ទេសក៍, អ្វីត្រូវធ្វើ នៅពេលផែនការបន្តបន្ទាប់របស់អ្នកមានបញ្ហា ជាដើម។
មូលហេតុមួយដែលភ្ញៀវល្អមិនផ្ដល់ការណែនាំឲ្យ គឺពួកគេមិនដឹងថាយើងកំពុងស្វែងរកអ្វី។ បើយើងមិនដឹងទេ តើធ្វើម៉េចពួកគេអាចដឹងបាន? ខ្ញុំបានចាប់ផ្ដើមភ្ជាប់បណ្ដាញខ្លួនខ្ញុំ ដោយប្រាប់ភ្ញៀវល្អបំផុតរបស់ខ្ញុំប្រហែល 10 ទៅ 20នាក់ យ៉ាងជាក់លាក់ថាភ្ញៀវសក្ដានុពលប្រភេទណាដែលខ្ញុំកំពុងស្វែងរក ពីបណ្ដាញផ្ទាល់ខ្លួនរបស់ពួកគេ។ មុនពេលរកភ្ញៀវសក្ដានុពល សូមកត់សម្គាល់ឲ្យបានលម្អិតថាតើភ្ញៀវសក្ដានុពលល្អបំផុតរបស់អ្នក មានលក្ខណៈដូចម្ដេច។ នៅពេលប្រវត្តិរូបភ្ញៀវសក្ដានុពលល្អបំផុតរបស់អ្នក ត្រូវបានបំបែកទៅជាចំណុច ពិសេសតូចបំផុតហើយ ការរកភ្ញៀវសក្ដានុពលនឹងប្រែជាងាយស្រួលច្រើន។ —Marta Borbala Kiraly, Gyor, ហុងគ្រី, សមាជិក MDRT 6-ឆ្នាំ
ខ្ញុំបានរៀបចំសិក្ខាសាលាពីរបែប។ មួយគឺការជួបជុំប្រចាំសប្ដាហ៍ពីរម៉ោង សម្រាប់ម្ចាស់ធុរកិច្ច វេជ្ជបណ្ឌិត និងមេធាវី។ មួយទៀតគឺសិក្ខាសាលាពេលអាហារថ្ងៃត្រង់នៅថ្ងៃចុងសប្ដាហ៍ ដើម្បីឲ្យភ្ញៀវនាំគ្រួសារនិងមិត្តភក្ដិរបស់ពួកគេមក។ ក្នុងអំឡុងសិក្ខាសាលាជាមួយអ្នកមានវិជ្ជាជីវៈ ខ្ញុំសុំឲ្យអ្នកចូលរួមដោះដូរនាមបណ្ណជាមួយគ្នា និងនិយាយអំពីអ្វីដែលពួកគេធ្វើ ដើម្បីឲ្យពួកគេកាន់តែមានផាសុកជាមួយគ្នា។ ក្នុងសិក្ខាសាលាចុងសប្ដាហ៍ ខ្ញុំសុំឲ្យភ្ញៀវផ្ដល់សក្ខីកម្មអំពីសេវារបស់យើង ដើម្បីឲ្យភ្ញៀវរបស់ពួកគេឮ។ សម័យប្រជុំទាំងពីរមានបំណងអប់រំអំពីតម្លៃនិងផលប្រយោជន៍នៃការរៀបផែនការហិរញ្ញវត្ថុ និងពន្ធ ប៉ុន្តែគ្មានការលក់ទេ។ ខ្ញុំមិនចង់ឲ្យអ្នកចូលរួមទទួលអារម្មណ៍ជំរុញឲ្យទិញឡើយ។ ក្រោយមកបន្ទាប់ពីនោះ ខ្ញុំនឹងតាមសួរដើម្បីសុំមតិតប និងសួរថាតើពួកគេត្រូវការព័ត៌មានបន្ថែមទេ។ ប្រហែល 75% នៃអ្នកចូលរួមនិងភ្ញៀវ ទិញអ្វីមួយក្នុងពេលពីរសប្ដាហ៍នៃសិក្ខាសាលានីមួយៗដែលខ្ញុំធ្វើ។ —Pornprapa Sukreepirom, MBA, បាងកក, ថៃ, សមាជិក MDRT 14-ឆ្នាំ
ដោយមិនអាចដឹងពីកង្វះខាតរបស់យើងអំពីភាពសង្ខេបខ្លី គឺជាកំហុសធំបំផុតមួយរបស់យើង ដែលនឹងបង្អន់ ឥទ្ធិពលរបស់យើង។ នៅពេលខ្ញុំរំកិលចេញពីផ្លូវ គ្រូបង្វឹកខាងសន្ទរកថារបស់ខ្ញុំរំឭកខ្ញុំឲ្យប្ដេជ្ញាប្រកាន់យកគន្លងផ្លូវ និងចុះចតយន្តហោះឲ្យបានល្អ។ ចូរចាប់ផ្ដើមគិតនិងនិយាយឃ្លាជាចំណុចៗ។ អ្នកនឹងមានឥទ្ធិពលច្រើន នៅពេលអ្នកផ្អាក ដើម្បីរកគំនិតបន្ទាប់របស់អ្នក ពីព្រោះវាអនុញ្ញាតឲ្យភ្ញៀវអ្នកអាចតាមសាររបស់អ្នកបានគ្រប់ ជំហាន។ អ្នកកំប្លែងហៅវាថា “ផ្អាកដើម្បីបុព្វហេតុមួយ។” បន្ទាប់ពីពួកគេនិយាយឃ្លាកំប្លែង ពួកគេផ្អាក ដើម្បីឲ្យអ្នកអាចតាមទាន់ និងអាចសើចបាន។ បើអ្នកកំប្លែងមិនផ្អាកទេ ពួកគេកំពុងនិយាយជាន់លើសំណើចហើយ។ ចូរកុំជាន់លើគំនិតរបស់អ្នក។ ជាពិសេស ចូរកុំជាន់លើការគិតរបស់ភ្ញៀវអ្នក។ ពេលខ្លះ ភាពស្ងាត់ស្ងៀមគឺជាចម្លើយដ៏ត្រឹមត្រូវ។ នេះអនុញ្ញាតឲ្យអ្នកសួរសំណួរបើកដ៏ត្រឹមត្រូវ និងសម្របសាររបស់អ្នកនៅខណៈនោះទៅតាមក្ដីរំពឹងរបស់ភ្ញៀវអ្នក។ —Stacey Hanke, អ្នកដឹកនាំប្រតិបត្តិនិងក្រុមការងារលក់, គ្រូបង្វឹក និងអ្នកនិពន្ធសៀវភៅ “Influence Redefined”
ជោគជ័យមិនធ្វើឲ្យអ្នករីករាយទេ។ ភាពរីករាយទើបបង្កើតជោគជ័យ។ តើអ្នកធ្លាប់បានឮគំនិតវិជ្ជមានចេញមក ពីបុគ្គលអវិជ្ជមានទេ? មនុស្សទាំងនោះបិទខាងផ្លូវចិត្តនិងផ្លូវអារម្មណ៍ ដោយប្រើថាមពលថ្ងៃនេះផ្ដោតលើកំហុសម្សិលមិញ។ ស្ថានភាពផ្លូវចិត្តវិជ្ជមានបញ្ចេញដូផាមីនទៅកាន់ខួរក្បាល និងបំភ្លឺគ្រឿងបញ្ជូនប្រសាទកាត់ប្រព័ន្ធប្រសាទស៊ីណាទិក ដូចជាពន្លឺលើដើមឈើគ្រីស្មាស។ ការស្រាវជ្រាវបញ្ជាក់ថា ការគិតវិជ្ជមានពង្រីកភាពច្នៃប្រឌិត បង្កើនថាមពល បង្កើនភាពវាងវៃ និងបិទបញ្ចប់ការលក់កាន់តែច្រើនថែមទៀត។ —Jay Samit, អ្នកនិពន្ធ “Future Proofing You” និងជាអតីតអនុប្រធានឯករាជ្យនៃ Deloitte
ការនិទានរឿងអាចបង្ហាញពីតម្លៃ និងអ្វីដែលអ្នកមានដើម្បីផ្ដល់ជូន។ ទោះជាយ៉ាងនេះក៏ដោយ រឿងមួយមិន ចងក្រងទិន្នន័យទេ។ ជារឿយៗ ខ្ញុំឃើញអ្នកដឹកនាំចង្អុលទៅកាន់ទិន្នន័យ ក្នុងអំឡុងបទបង្ហាញ និងនិយាយថា “ដូចដែលអ្នកបានឃើញ តួលេខបង្ហាញដោយខ្លួនឯង។” តួលេខមិនអាចនិយាយទេ។ អ្នកត្រូវតែនិយាយប្រាប់ពីពួកវា។ ខាងក្រោយតួលេខនីមួយៗគឺជាមនុស្សម្នាក់ ហើយជាមួយមនុស្សម្នាក់ៗគឺជារឿងមួយ។ ទិន្នន័យសំខាន់បំផុតដែលអ្នកមានភារកិច្ចប្រាប់ គួរចេញមកជាមួយរឿងមួយ ដែលនាំទិន្នន័យនោះមកកាន់ជីវិត។ —Kindra Hall, អ្នកនិពន្ធ, អ្នកយុទ្ធសាស្ត្រ និងអ្នកនិទានរឿង
ជំនួសឲ្យការប្រើការប្រជុំតាមវីដេអូ ខ្ញុំអញ្ជើញភ្ញៀវឲ្យជួបខ្ញុំជាអវតារហូឡូក្រាហ្វិក។ ខ្ញុំប្រើកាសពិភពពិត លក្ខណៈនិម្មិត (VR) របស់ខ្ញុំ ដើម្បីកំណត់រូបសណ្ឋានបរិស្ថាន និងជួបពួកគេក្នុងការិយាល័យប្រតិបត្តិនិម្មិតរបស់ខ្ញុំ, ការិយាល័យអូវុលនៅសេតវិមាន ឬក៏អាចជាស្ថានីយអវកាសក្នុងលំហខាងក្រៅផងដែរ។ ខ្ញុំប្រើបទបង្ហាញ ហូឡាក្រាហ្វិក 3D អណ្ដែត និងអាចចាប់ដៃលក្ខណៈនិម្មិត ឬក៏ហៃហ្វាយជាមួយភ្ញៀវ ដោយមិនចាំបាច់ខ្វល់ អំពីទឹកអនាម័យសម្អាតដៃ។ ភ្ញៀវខ្ញុំអាចចូលរួមដោយមិនប្រើកាសនៅលើកុំព្យូទ័រ ឬទូរសព្ទរបស់ពួកគេ ជាមួយ កម្មវិធីឥតគិតថ្លៃហៅថា Engage VR (engagevr.io)។ កម្មវិធី VR ឥតគិតថ្លៃផ្សេងទៀតរួមមាន VRChat, Spatial និង Horizon Worlds។ ដោយដាក់ម៉ាកខ្លួនអ្នកថាជាអ្នកប្រឹក្សាក្នុងពេលអនាគត អ្នកនឹងផ្ដល់ឲ្យភ្ញៀវ នូវបទពិសោធន៍មួយដែលពួកគេមិនដែលភ្លេច។ ខ្ញុំបានជួបភ្ញៀវដែលមានចំណូលខ្ពស់ជាច្រើនក្នុងពិភព VR។ —Panos Leledakis, LUTCF, ញូវយ៉ក, ញូវយ៉ក, ស.រ.អ, សមាជិក MDRT 4-ឆ្នាំ
អ្នកជាម៉ាកផ្ទាល់ខ្លួនរបស់អ្នក ហើយបុគ្គលភាពរបស់អ្នក នឹងកំណត់អ្នកខុសពីគេ។ ឯកលក្ខណភាពរបស់អ្នកនឹងជាភាពខ្លាំងដ៏សំខាន់របស់អ្នកក្នុងភាពជាភ្នាក់ងារនៃជម្រើសជាច្រើន ហើយភាពពិតរបស់អ្នកនឹងធ្វើឲ្យអ្នកនៅលើអ្នកឯទៀតនៅក្នុងឧស្សាហកម្មនេះ។ ខណៈដែលអ្នកទទួលយកផ្នត់គំនិតនេះ គឺជាខណៈដែលអ្នកព្រលែងអានុភាពនេះនៅក្នុងខ្លួនអ្នក។ —Kenzo Celis Gan, Makati City, ហ្វ៊ីលីពីន, សមាជិក MDRT 2-ឆ្នាំ
ការស្វែងរកនិងភាពជាមគ្គុទ្ទេសក៍ត្រូវតែគិតទុកជាមុន។ ដើម្បីទទួលជោគជ័យ វាមានសារៈសំខាន់ណាស់ដែលត្រូវមានមគ្គុទ្ទេសក៍ និងមនុស្សដែលជាអ្នកគាំទ្រនិងជឿជាក់លើអ្នក។ ផ្ដល់និងទទួលភាពជាមគ្គុទ្ទេសក៍។ ខ្ញុំមានទំនោរធ្វើមគ្គុទ្ទេសក៍ដល់សហគ្រិនស្ដ្រី ពីព្រោះ ក្នុងនាមជាស្ត្រីជនជាតិភាគតិចវ័យក្មេងក្នុងឧស្សាហកម្មដែល ពោរពេញដោយមនុស្សប្រុស ខ្ញុំបានជម្នះលើឥទ្ធិពលអវិជ្ជមានជាច្រើននៅជុំវិញខ្ញុំ ក្នុងពេល 19ឆ្នាំកន្លងមកនេះ។ អ៊ីចឹង ខ្ញុំទោរទន់ទៅរកស្ដ្រី ដើម្បីជួយពួកគេឲ្យគិតយ៉ាងទូលំទូលាយ, បំបែកកញ្ចក់ពិដាន និងចាប់ផ្ដើមពង្រីក ធុរកិច្ចដែលពួកគេមានចំណង់ប្រាថ្នា។ —Manjit Minhas, ជនល្បីល្បាញលើ TV នៅកាណាដា, សហគ្រិន និងសហស្ថាបនិកនៃ Minhas Brewery, Distillery and Winery
តើប៉ុន្មាននាក់ក្នុងចំណោមអ្នកធ្លាប់បានច្រៀង រាំ ឬធ្វើសកម្មភាព ពេលអ្នកនៅក្មេង? ហេតុអ្វីបានជាអ្នកឈប់? អ្នកមិនចាំបាច់ចាកចោលការងារអ្នក និងធ្វើវាសម្រាប់ការរស់នៅទេ។ បើវានាំភាពរីករាយឲ្យអ្នក សូមរើសឧបករណ៍នោះ ឬក៏ចូលរួមក្នុងក្រុមចម្រៀងនៅព្រះវិហារនោះ! ចូរធ្វើវាគ្រាន់តែដោយសារអ្នករីករាយជាមួយវា ហើយភាពរីករាយនោះនឹងសាយភាយទៅលើផ្នែកផ្សេងទៀតនៃជីវិតអ្នក។ —Alton Fitzgerald White, សិល្បករដែលគេស្គាល់បំផុតចំពោះតួនាទីជា Mufasa ក្នុងរឿង “The Lion King” របស់ Disney នៅ Broadway
ក្នុងអំឡុងការសម្ភាសត្រួតពិនិត្យ ខ្ញុំតែងរំឭកភ្ញៀវខ្ញុំថា “អ្នកបាននិយាយវាក្នុងអំឡុងជំនួបពីមុនរបស់យើង។ តើឥឡូវ អ្នកនៅតែមានអារម្មណ៍ដដែលនោះទេ?” សំណួរនេះជួយភ្ញៀវឲ្យចងចាំមូលហេតុដែលពួកគេបានទិញផែនការរបស់ពួកគេ និងពិចារណាបន្ថែមការរ៉ាប់រងថែមទៀត ជាពិសេស បើមិត្តជិតដិតឬសាច់ញាតិម្នាក់ត្រូវ បានធ្វើរោគវិនិច្ឆយក្នុងពេលថ្មីៗឃើញមានជំងឺធ្ងន់។ ការនិយាយឡើងវិញនូវអ្វីដែលភ្ញៀវបាននិយាយក្នុងអំឡុងការត្រួតពិនិត្យចុងក្រោយ បង្ហាញថា ខ្ញុំបានស្ដាប់ពួកគេ។ អ្នកត្រូវរក្សាកំណត់ត្រាអំពីការសម្ភាសឲ្យបានល្អ ដើម្បីធ្វើកិច្ចការនេះ។ —Takahisa Kawanishi, តូក្យូ, ជប៉ុន, សមាជិក MDRT 18-ឆ្នាំ
អ្នកបានបង្កើតផែនការបន្តបន្ទាប់មួយសម្រាប់ការអនុវត្តរបស់អ្នក ប៉ុន្តែវាមិនដំណើរការដូចការគ្រោងទេ។ តើអ្នកកែដំណើរនោះដូចម្ដេច? ទោះបីជាទូទៅ មនុស្សមិនចូលចិត្តទំនាស់ក៏ដោយ អ្នកគួរធ្វើសន្ទនាមួយដោយក្លាហានជាមួយអ្នកបន្តពីអ្នក។ ត្រូវបើកចំហចំពោះទស្សនៈរបស់ពួកគេ។ ចម្លើយតែមួយគត់ចំពោះមតិតបគឺ “សូមអរគុណអ្នក, សូមប្រាប់ខ្ញុំបន្ថែមទៀត។” សន្ទនាអង់អាចគឺដូចនោះ — សន្ទនា មិនមែនអ៊ីមែល ឬសារ អត្ថបទទេ។ វិធីច្បាស់លាស់ ប៉ុន្តែមិនគំរាមកំហែងដើម្បីបើកសន្ទនានោះគឺ “ខ្ញុំចង់ត្រួតពិនិត្យការព្រមព្រៀងរបស់យើង និងផែនការរបស់យើង។ ខ្ញុំគិតថា យើងដូចជាមិនស៊ីគ្នា ដូច្នេះវាមានសារៈសំខាន់ដែលយើងមានសន្ទនាវិជ្ជមានប្រកបដោយផលិតភាព ដើម្បីឲ្យយើងត្រឡប់មកលើគន្លងវិញ។” រួចសួរ “តើអ្នកជឿថា អ្វីកំពុងដំណើរការបានល្អ? តើអ្នកជឿថា អ្វីមិនល្អ? តើយើងរកវិធីតាមរបៀបណា ដើម្បីបន្តដំណើរទៅមុខជាមួយគ្នា? ខ្ញុំប្ដេជ្ញាទាំងស្រុងដើម្បីធ្វើឲ្យវាដំណើរការ ប៉ុន្តែវាហាក់ដូចជារដិបរដុបជាងការរំពឹងទុក។ នេះជាឧទាហរណ៍ខ្លះដែល ខ្ញុំជឿថា យើងអាចធ្វើបានកាន់តែប្រសើរ។ តោះជជែកគ្នា។” —Fiona Cuddy, ប្រធាន Qualified Financial Services
ការធ្វើឲ្យសាមញ្ញពាក់ព័ន្ធនឹងភាសា ដំណើរការ និងសំណួរដែលយើងប្រើ ដើម្បីលុបបំបាត់ចំណុចឃ្នើសចិត្តពីទស្សនវិស័យរបស់ភ្ញៀវសក្ដានុពលយើង។ នោះមានន័យថាជាការផ្ដល់ជូនភ្ញៀវសក្ដានុពលនូវលទ្ធភាពឃើញលទ្ធផលដែលថាជម្រើសរបស់ពួកគេទំនងជាបង្កើតឬរារាំងពួកគេមិនឲ្យសម្រេចបាន។ ពិភពនៃការរៀបផែនការហិរញ្ញវត្ថុអាចភាន់ច្រឡំទិសដៅ ដូច្នេះការផ្ដល់បទពិសោធន៍សាមញ្ញសម្រាប់ភ្ញៀវសក្ដានុពលរបស់យើង ជួយបង្កើតទំនុកចិត្តយ៉ាងរហ័ស។ និយាយជារួម ពួកគេទិញអ្វីដែលពួកគេយល់។ បង្ហាញជូនពួកគេនូវវិធីមួយ ដើម្បីឲ្យពួកគេទទួលអារម្មណ៍ថាមានអំណាចក្នុងការធ្វើសេចក្ដីសម្រេចចិត្តដោយបានទទួលព័ត៌មាន។ —Adrian George, CFP, TEP, Calgary, Alberta, កាណាដា, សមាជិក MDRT 12-ឆ្នាំ
ជាទូទៅ ការបដិសេធត្រូវបានយល់ឃើញថាជាឧបសគ្គ ប៉ុន្តែពួកវាអាចជាសាំងដើម្បីភ្ជាប់ជាមួយភ្ញៀវសក្ដានុពលរបស់អ្នក និងពន្លឿនវិធីចំពោះការលក់មួយ។ ប៉ុន្តែចូរកុំរង់ចាំឲ្យដល់ចុងបញ្ចប់នៃជំនួបទើបថ្លែងពីការបដិសេធរបស់ពួកគេ។ ដល់ពេលនោះ ចិត្តរបស់គេត្រូវបានបិទ ហើយវាយឺតពេលហើយ។ ជំនួសនេះ សូមដាក់ ការបដិសេធដែលអ្នកឮញឹកញយបំផុតនៅលើតុ ហើយឆ្លើយតបឲ្យបានលឿន ក្នុងអំឡុងជំនួបនោះ។ ការធ្វើដូច្នោះនឹងធ្វើឲ្យពួកគេបើកចំហ ហើយពួកគេនឹងកាន់តែមានផាសុកក្នុងការទុកចិត្តអ្នក។ —Claudia B. Donoso, មគ្គុទ្ទេសក៍មានវិញ្ញាបនបត្រ និងស្ថាបនិកនៃ Mentes en Forma
វប្បធម៌នៃក្រុមការងារសហការគ្នានឹងបង្កើតចង្វាក់មួយក្នុងការប្រតិបត្តិការងាររបស់អ្នក និងនាំឲ្យភ្ញៀវពេញចិត្តកាន់តែខ្លាំង។ នៅពេលអ្នកបង្កើតគម្រោងនៃខែមួយ ដើម្បីធ្វើជំនួបយុទ្ធសាស្ត្រប្រចាំឆ្នាំ និងការហៅទូរសព្ទ តាក់ទិកនៅចុងឆ្នាំ សូមឲ្យភ្ញៀវយល់ពីអ្វីដែលពួកគេនឹងជួបឬជជែកជាមួយក្រុមការងារប្រឹក្សាយោបល់របស់ ពួកគេ។ ដោយធានាថាអ្នកប្រឹក្សាពីររូបចូលរួមក្នុងជំនួប ឬការហៅទូរសព្ទជាមួយភ្ញៀវ នោះភ្ញៀវនឹងយល់ថា ពួកគេមានក្រុមការងារ — មិនត្រឹមតែបុគ្គលម្នាក់ទេ — ដែលធ្វើការឲ្យពួកគេ។ ទស្សនទាននេះអាចបង្កើន ការរក្សាភ្ញៀវ ពីព្រោះសំណួររបស់ភ្ញៀវអាចត្រូវបានឆ្លើយក្នុងលក្ខណៈទាន់ពេលវេលា ដោយសមាជិកណាម្នាក់ នៃក្រុមការងារ មិនមែនត្រឹមតែប្រធាននៃអ្នកប្រឹក្សាទេ។ —Kathleen R. Benjamin, CFP, CPA, Maugansville, ម៉ារីឡេន, ស.រ.អ, សមាជិក MDRT 18-ឆ្នាំ
ការរក្សាឯកសារពេលវេលាដែលយើងចំណាយជាមួយការងារភ្ញៀវ មានសារៈសំខាន់ ពីព្រោះវាជួយខ្ញុំឲ្យកំណត់ថ្លៃសេវារបស់ខ្ញុំ។ នៅពេលខ្ញុំធ្វើការជាមួយភ្ញៀវម្នាក់ ឬក៏នរណាម្នាក់ផ្សេងនៅក្នុងការិយាល័យ យើងចុះរយៈពេលដែលបានចំណាយ និងសោហ៊ុយជាអត្រាប្រចាំម៉ោង។ កំណត់សម្គាល់ទាំងនេះផ្ដល់ឲ្យភ្ញៀវនូវគំនិតថាតើពេលប៉ុន្មានត្រូវបានចំណាយ និងការងារដែលបានធ្វើក្នុងនាមពួកគេ។ យើងហៅវាថា AAA៖ សវនកម្ម សកម្មភាព ចំណាត់ការ។ វាជួយឲ្យមើលឃើញទិដ្ឋភាពទូលំទូលាយនៃថ្លៃសេវាយ៉ាងប្រាកដ។ —Helen A. Jenkins, Dip PFS, Cardiff, Wales, UK, សមាជិក MDRT 33-ឆ្នាំ
តើអ្នកដឹងទេថា លក្ខណៈតែមួយគត់របស់ពួកយើងដែលអាចវៃឆ្លាតជាងបញ្ញាសិប្បនិម្មិត (Artificial Itelligence) គឺបញ្ញាផ្លូវចិត្ត (Emotional Intelligence)? បញ្ញាផ្លូវចិត្ត ជួយយើងឲ្យមើលឃើញទស្សនវិស័យ ធ្វើការសម្រេចចិត្ត មានការជំរុញទឹកចិត្តត្រឹមត្រូវ បង្កើនសីលធម៌ការងាររបស់យើង និងបង្កើតឥទ្ធិពលដែលយើងចង់មាននៅក្នុងពិភពលោក។ ផ្លូវចិត្តរបស់យើងគឺជាហត្ថលេខារបស់យើងនៅក្នុងពិភពលោក ហើយការគ្រប់គ្រងពួកវាយ៉ាងវាងវៃអាចជួយយើងឲ្យទុកសញ្ញាសម្គាល់មួយ គ្រប់កន្លែងដែលយើងអាចស្ថិតនៅ។ —Shreeja Jhawar, គ្រូបណ្ដុះបណ្ដាល, អ្នកនិពន្ធ និងអ្នកសម្របសម្រួលការផ្លាស់ប្ដូរនិងការដឹងពីខ្លួនឯង
ខ្ញុំមិនដែលស្រមៃថាបណ្ដាញសង្គមនឹងមានចំនួនជិតពាក់កណ្ដាលនៃធុរកិច្ចប្រចាំឆ្នាំរបស់ខ្ញុំទេ។ ខ្ញុំមានភ្ញៀវដើរចូលមកជាច្រើនដែលត្រៀមជាស្រេចក្នុងការវិនិយោគទំនុកចិត្តរបស់ពួកគេលើខ្ញុំ សូម្បីមុនពេលយើងជួបគ្នាផ្ទាល់មុខក៏ដោយ។ យើងសូមលើកទឹកចិត្តឲ្យប្រើបន្សំនៃវិបសៃបណ្ដាញសង្គម ប៉ុន្តែត្រូវចាប់ផ្ដើមជាមួយមួយដែលអ្នកមានផាសុកបំផុត។ សូមចងចាំថា មនុស្សចង់ឃើញភាពពិត ដូច្នេះអ្វីដែលអ្នកនិយាយ ពិតជាសំខាន់ជាងរបៀបដែលមើលឃើញវា។ ការចាប់ផ្ដើមតែងតែជាការលំបាកបំផុត។ បញ្ចេញបំណែកខ្លឹមព័ត៌មានដំបូងរបស់អ្នក នោះអ្នកប្រាកដជានឹងទទួលបានសន្ទុះ កាលណាពេលវេលាកន្លងទៅ។ ការបង្កើតវត្តមានរបស់អ្នកប្រហែលជាមិនមែនកិច្ចការមួយយប់ទេ ទោះជាយ៉ាងនេះក៏ដោយ ជាមួយភាពជាប់លាប់គ្រប់គ្រាន់ វានឹងប្រែជាឧបករណ៍ដែលមានចីរភាពយូរអង្វែង ពេលអ្នកកសាងនិងពង្រីកធុរកិច្ចរបស់អ្នក។ —Candice Ong, សិង្ហបុរី, សមាជិក MDRT 4-ឆ្នាំ
វាមានសារៈសំខាន់ចំពោះអ្នកប្រឹក្សាដែលចូលរួមជាមួយផ្នែកមួយនៃសហគមន៍ដែលពួកគេបម្រើ។ កត់សម្គាល់កន្លែងដែលមូលដ្ឋានភ្ញៀវអ្នកស្ថិតនៅ ហើយចូលរួមក្នុងសកម្មភាពទាំងអស់។ បើមូលដ្ឋានភ្ញៀវអ្នកជាចម្បងគឺជាម្ចាស់ធុរកិច្ច សូមចំណាយពេលជាមួយក្រុមមនុស្សធម៌ក្នុងស្រុក ឬអង្គការស្រដៀងនេះ។ ខ្ញុំបានចូលរួមជាមួយយោធា និងបម្រើការជាវរសេនីយឯកកិត្តិយស ដូច្នេះខ្ញុំបានចំណាយពេលជាមួយទាហានក្នុងសមរភូមិ និងក្នុងសហគមន៍។ ការចូលរួមទាំងនោះមិនមែនជាពេលសម្រាប់លក់ទេ ប៉ុន្តែជាការបង្ហាញវត្តមាន។ ប៉ុន្តែបើភ្ញៀវម្នាក់ ឬភ្ញៀវសក្ដានុពលម្នាក់ទាក់ទងខ្ញុំ ហើយចាប់អារម្មណ៍ជាមួយអ្វីដែលខ្ញុំធ្វើ ខ្ញុំនឹងយកព័ត៌មានទំនាក់ទំនងរបស់ ពួកគេ ហើយតាមសួរពួកគេនៅពេលក្រោយ។ អ៊ីចឹងនឹងចាប់ផ្ដើមការពាក់ព័ន្ធរបស់ពួកគេជាមួយក្រុមហ៊ុនយើង។ —Alvin Albert Jones, CFP, CLU, Barrie, Ontario, កាណាដា, សមាជិក MDRT 11-ឆ្នាំ
ពេលខ្ញុំបានចាប់ផ្ដើមជាអ្នកប្រឹក្សាម្នាក់ ខ្ញុំបានផ្ដោតលើការបង្កើនមូលដ្ឋានភ្ញៀវខ្ញុំ តាមរយៈការហៅទូរសព្ទព្យាយាមលក់ និងយកចិត្តទុកដាក់តិចតួចចំពោះបន្ទុកនៃសំណុំរឿងរបស់ខ្ញុំ។ ខ្ញុំបានសម្រេចស្ថានភាព MDRT ៥ឆ្នាំ បន្ទាប់ពីចាប់ផ្ដើមក្នុងឧស្សាហកម្មនេះ និងបានចូលរួមក្នុងកិច្ចប្រជុំប្រចាំឆ្នាំ MDRT ដំបូងរបស់ខ្ញុំ។ នៅទីនោះ ខ្ញុំបានដឹងថា ខ្ញុំក៏គួរមានយុទ្ធសាស្ត្រមួយដើម្បីផ្ដោតលើភ្ញៀវដែលខ្ញុំមានស្រាប់ផងដែរ តាមរយៈការផ្ដល់ការរៀបផែនការធានារ៉ាប់រងល្អប្រសើរ។ ឥឡូវ ធុរកិច្ចខ្ញុំកំពុងលូតលាស់ តាមរយៈការទទួលការណែនាំឲ្យជាច្រើនពីភ្ញៀវដែលខ្ញុំមានស្រាប់ ហើយខ្ញុំអាចចំណាយធនធានតិចលើការហៅទូរសព្ទព្យាយាមលក់ដល់ភ្ញៀវសក្ដានុពល។ —Audrey Loh May Jin, Selangor, ម៉ាឡេស៊ី, សមាជិក MDRT 11-ឆ្នាំ
មួយជំហានឆ្ពោះទៅរកការជ្រើសរើសអ្នកជះឥទ្ធិពលគឺត្រូវបង្កើតបញ្ជី។ ជ្រើសវិជ្ជាជីវៈណាដែលអ្នកចង់ធ្វើការជាមួយ ហើយបង្កើតបញ្ជីនៃនរណាម្នាក់ដែលអ្នកស្គាល់នៅក្នុងវិស័យនោះ ដែលអ្នកអាចទាក់ទង។ បើអ្នកមិនមានទំនាក់ទំនងទេ នោះសូមសួរភ្ញៀវដែលអ្នកមានសុំឈ្មោះ 4 ទៅ 6 ដែលពួកគេស្គាល់ក្នុងវិជ្ជាជីវៈទាំងនោះ និងសម្រាប់អ្នកជះឥទ្ធិពលរបស់ពួកគេ។ នៅពេលទាក់ទងអ្នកជះឥទ្ធិពលនោះ សូមប្រាប់ពួកគេថា អ្នកចង់ យល់ដឹងពីធុរកិច្ចរបស់ពួកគេ ដើម្បីមើលថាតើអ្នកអាចណែនាំភ្ញៀវអ្នកឲ្យពួកគេទេ។ សួរថានរណាជាភ្ញៀវល្អបំផុតរបស់ពួកគេ។ បន្ទាប់ពីជំនួបដំបូង សូមស្នើសុំជំនួបទី២ ដើម្បីឲ្យអ្នកអាចពន្យល់ពីអ្វីដែលអ្នកអាចធ្វើ ដើម្បីជួយភ្ញៀវអ្នក។ —Paresh B. Shah, CFP, Hicksville, ញូវយ៉ក, ស.រ.អ, សមាជិក MDRT 15-ឆ្នាំ
ចង់ភ្ជាប់ជាមួយផ្នែកលូតលាស់លឿននៃទីផ្សារធានារ៉ាប់រង? ជជែកជាមួយស្ដ្រីដូចជាធុរនារី។ ប្រើភាសាដែល សមហេតុផល ប៉ុន្តែមិនត្រូវធ្វើឫកធំឡើយ។ ការភ័យខ្លាចធំបំផុតរបស់ស្ដ្រីម្នាក់គឺរស់នៅយូរជាងប្រាក់សន្សំ របស់ពួកគេ ឬប្រែជាពឹងផ្អែកលើកូនពួកគេខាងហិរញ្ញវត្ថុ, កូនពួកគេតាមយ៉ាងជិតដិតដើម្បីធានាថាមិនអី។ ប៉ុន្តែចូរកុំសន្មតថា នេះជាការភ័យខ្លាចរបស់ភ្ញៀវអ្នក។ ចូរសួរនិងផ្ទៀងផ្ទាត់។ អាស្រ័យលើចម្លើយរបស់នាង សូមបន្តជាមួយការរៀបផែនការបែបប្រពៃណីជាច្រើន ដូចជាការរៀបផែនការលំហូរសាច់ប្រាក់ ការធានារ៉ាប់រង ឬការគ្រប់គ្រងទ្រព្យ។ បើអ្នកធ្វើការឲ្យយោបល់ដោយគ្មានការពន្យល់ពីមូលហេតុរបស់អ្នក អ្នកនឹងបាត់ភ្ញៀវជាស្ដ្រីរបស់អ្នកនោះ។ ផែនការនិងគណិតគួរគាំទ្រការឲ្យយោបល់សម្រាប់ផលិតផលមួយ មិនមែនវិធីដទៃទៀតឡើយ។ —Elke Rubach, LL.M., CLU, Toronto, Ontario, កាណាដា, សមាជិក MDRT 5-ឆ្នាំ
យើងត្រូវប្រាប់ភ្ញៀវសក្ដានុពលតាមរបៀបត្រង់ខ្លាំង៖ “លោកភ្ញៀវសក្ដានុពល អ្នកមិនជួលខ្ញុំឲ្យធ្វើការក្នុងពិភពប្រូបាប៊ីលីតេទេ។ អ្នកជួលខ្ញុំឲ្យធ្វើការក្នុងពិភពផលវិបាក។ ផលវិបាកនៃភាពខុសគឺជាមហន្តរាយ។ បើអ្នកធ្វើដំណើរតាមសមុទ្រ តើអ្នកចងចាំការបង្ហាញពីសុវត្ថិភាពដោយអ្នកបម្រើ មុនពេលចាកចេញពីផែទេ? តើអ្នកគិតថា វាចាំបាច់ដោយសារតែប្រូបាប៊ីលីតេនៃបញ្ហាអាចកើតឡើងលើផ្ទៃសមុទ្រ ឬក៏ផលវិបាក? នៅពេលអ្នកដាក់កូនអ្នកក្នុងឡានមួយ តើអ្នកដាក់ខ្សែក្រវាត់ឲ្យពួកគេ ពីព្រោះអ្នកកំពុងគិតអំពីប្រូបាប៊ីលីតេនៃគ្រោះថ្នាក់ ឬផលវិបាក?” បន្ទាប់មកមើលភ្នែកពួកគេ ហើយនិយាយថា “ខ្ញុំអាចគ្រប់គ្រងផលវិបាកបាន។ នោះជាអ្វីដែលអ្នកជួលខ្ញុំឲ្យធ្វើ។” —David L. Alarid, Newport Beach, កាលីហ្វ័រញ៉ា, ស.រ.អ, សមាជិក MDRT 34-ឆ្នាំ